Наместо да прави свадба, ќе игра полуфинале на Вимблдон - Слободен печат
ОстанатoСпорт

Наместо да прави свадба, ќе игра полуфинале на Вимблдон

Поради дуелот со Новак Ѓоковиќ, Шпанецот Роберто Баутиста Агут мораше да ја одложи ергенската забава на Ибица и да им плати на другарите да дојдат во Лондон за да го бодрат.

Шпанскиот тенисер Роберто Баутиста Агут е последниот полуфиналист на Вимблдон кој утре ќе излезе на мегдан против Новак Ѓоковиќ. Интересно е што и самиот тенисер не веруваше дека ќе постигне ваков успех, да се најде во полуфиналето на Вимблдон заедно со големата тениска тројка, Новак Ѓоковиќ, Рожер Федерер и Рафаел Надал.

Имено, тој наместо да игра на централниот терен на Вимблдон, планираше да ја ожени долгогодишната љубов Ана Боди Тортоса.

Баутиста Агут уште во минатиот месец си испланира дека на 12 јули треба да прави ергенска забава на Ибица, и резервира неколку апартмани но поради неговиот успех, планот пропадна. Сепак, тој не ги заборава пријателите и на сите им плати авионски билети и сместување во хотел во Лондон за утре да го бодрат во полуфиналната пресметка со Ѓоковиќ.

Успехот на нејзиното момче го расипа планот и на Ана Боди Тортоса, која за утре планираше да оди во Мадрид и да го проба невестинскиот фустан.

– Доколку биде се во ред, свадбата ќе ја направиме во ноември – изјави Агут.
Според шпанските медиуми, тенисерот и Ана Боди Тортоса се во врска уште од тинејџерските денови.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close