Според најновите податоци, во светот со новиот коронавирус досега се заразиле 4.674.580. Од нив починале 310.271, а оздравеле 1.785.086 луѓе.

– Во Хрватска евидентирани се уште два нови случаи на Ковид-19, со што бројката на заразени изнесува 2.224 луѓе. Оздравеле 1.913 лица, а 95 починале.

– Според последните официјални податоци на косовските здравствени власти, бројот на заразени од новиот коронавирус во Косово изнесува 955. Од нив, излекувани се 691 лице, додека починаа 29 заболени, така што официјалната бројка на активни случаи, вклучително податоците за минатиот ден, изнесува 235. Вчера беа извршени 236 тестирања, при што се регистрирани десетмина новозаразени и еден излекуван. Последниот смртен случај на заболен од Ковид-19 е забележан на 12 мај. Владата на Косово најави дека од понеделник, 18 мај ќе се спроведуваат нови, олеснети мерки за заштита од епидемијата на Ковид-19, меѓу кои е и зголемувањето на времето што граѓаните можат да го поминуваат на отворено, од три, колку што е сега, на четири часа дневно, како и овозможувањето работење на одредени, главно мали, бизниси. Според официјалните информации од Институтот за јавно здравство на Косово, заклучно со вчерашниот ден, во неговата лабораторија за микробиологија се извршени вкупно 11.178 тестирања.

– Во Грција, две лица починаа, а регистрирани се девет нови случаи во изминатото деноноќие. Од почетокот на епидемијата, во земјата има 2.819 заразени лица со Ковид-19, а починаа 162 лица.

– На Кипар, во изминатите 24 часа од 1.564 направени тестови, резултатите биле позитивни кај четири лица, со што бројот на заразени се зголеми на 914. Новите случаи се од анализите спроведени кај учениците и вработените во училиштата.

– Во Србија во последните 24 часа уште три лица починаа од коронавирус во Србија, сo што вкупниот број на жртви се искачи 228. Од последниот пресек на состојбата во Србија, тестирани се 6.076 лица, а кај 58 е потврден коронавирус. Од почетокот на епидемијата на коронавирус во Србија, заразени се вкупно 10.496 лица, а излекувани 4.479 граѓани.

– Во Иран во последните 24 часа од последици на новиот коронавирус починале 35 луѓе, што е најмала бројка на смртни случаи од 7 март. Но, во исто време е забележано најголем пораст на новозаразени – 1.757 луѓе. Во Иран вкупно се заразени 118.392 лица, од кои 6.937 починале.

– Белоруските медицинските експерти денеска предупредија дека врвот на епидемијата со Ковид-19 во земјата се очекува да биде кон крајот на месецот. Досега во Белорусија регистрирани се 28.681 лица инфицирани со новиот коронавирус, од кои 160 починале, а 9.498 оздравеле.

– Во Велика Британија во изминатото деноноќие починале 468 луѓе од последици од Ковид-19, со што бројот на смртни случаи се искачи на 34.466. регистритани се 3.450 новозаразени лица, а вкупниот број на инфицирани лица изнесува 240.161.