Најлошото се чини мина: Силвио Берлускони пуштен од болница

од Слободен печат14/09/2020 - 16:380

Поранешниот италијански премиер Силвио Берлускони, кој беше хоспитализиран на 3 септември поради инфекција на белите дробови предизвикана од коронавирусот, денеска е пуштен од болница.

– Тоа беше тешко искушение, но благодарение на небото и лекарите од Сан Рафаел, излегов од ова искушение, можеби најопасното во мојот живот, изјави Берлускони во краткото обраќање и им се заблагодари на сите.

Берлускони, кој на 29 септември ќе наполни 84 години, на почетокот на овој месец објави дека е позитивен на Ковид-19, како и неговите деца Барбара (36) и Луиџи (31), но и неговата нова партнерка, 30 годишната Марта Фашина.

Поранешниот италијански премиер беше хоспитализиран како пациент со висок ризик поради возраста и претходните здравствени проблеми, вклучително и интервенција на отворено срце. Тогаш на Берлускони му беше дијагностицирана „инфекција на белите дробови во рана фаза”.

Прочитајте и... Продолжен рокот за пријавување на новинари и на медиумски работници за вакцинација против ковид-19