Цените на нафтата утрово сè уште паѓаат. На лондонскиот пазар цената на нафтата е 110 долари по барел, што е намалување за околу 1 процент во однос на вчера. За околу 1 отсто падна и цената на нафтата на американскиот пазар во однос на вчера. Сегашната цена е 104 долари за барел.

Цените на нафтата во претходните две недели беа на рекордно ниво и изнесуваа 121 долар за барел.

Пазарот на криптовалути од утрово е во зелено. Биткоинот утрово вреди 20.536 долари, што е за 2 отсто повеќе од вчера. Во пораст се и другите криптовалути.

Од берзата на скапоцени метали, се забележува и пад на златото од околу 6,3 отсто па унца денеска се продава за 1830 долари. Среброто е во незначителен пад.

Што се однесува до валутите, еврото со мали флуктуации во однос на доларот успева да се задржи на соодносот 1 евро за 1,05 долари.