Претходно претседателот на Казахстан, Касим-Јомарт Токајев ги прими во својата резиденција „Акорда“, двете најголеми тениски ѕвезди Новак Ѓоковиќ и Рафаел Надал.

Токајев им се заблагодари на тенисерите што дојдоа во неговата земја и што прифатија да одиграат егзибициски меч. Тој заврши со победа на Надал со резултат 6:3, 3:6 и 11:9 пред нешто повеќе од 11 и пол гледачи.

? Retour réussi pour le jeune marié, #Nadal s’impose 6-3 3-6 11-9 contre #Djokovic lors de leur exhibition au Kazakhstan ??

Les choses sérieuses vont commencer la semaine prochaine avec le #rolexparismasters puis les #NittoATPFinals en ligne de mire ?pic.twitter.com/nNWVwgnKr1

— Game, Set & Talk (@GameSetAndTalk) October 24, 2019

– Ова е единствена можност да погледнеме тениски меч на двајца врвни тенисери во Казахстан. Хуманитарниот карактер на овој меч е од екстремна важност. Вашето доаѓање во нашиот главен град е јасен доказ на поддршка на развојот на тенисот во Казахстан. Сигурен сум дека вашата играчка класа ќе инспирира многу млади да тргнат по вашите чекори – рече претседателот на Казахстан, Токајев.

И двајцата тениски асови се заблагодарија на топлото добредојде.

– Ова е мојата трета посета на Казахстан. Секој пат уживав во овој преубав град, но оваа посета е посебна, бидејќи сакав лично да ве запознаам и ја посетам оваа преубава „Акорда“ палата“ – вели Надал.

На Ѓоковиќ исто така му е убаво во Казахстан:

– Благодарност до претседателот, и во тоа што го поддржува тенисот во Казахстан. Навистина ми е мило што можеме да придонесеме за развојот и популаризацијата на тенисот во вашата земја – се зборовите на српскиот тенисер кој веднаш ја искористи можноста да му честита на Надал за венчавката со Марија Франциска Чиска Перељо.