1 C
Скопје

Млад талент: Инес Неделковска освои две први награди во Бон

Пијанистката Инес Неделковска (17) постигна голем меѓународен успех на интернационалниот натпревар за млади музичари во Бон, Германија, на кој учествуваа талентирани музичари од 71 држава. Младата Инес се закити со Прва награда во категоријата пијано до 18 години, како и Специјална награда за изведбата на „Токата за пијано“ од македонскиот композитор Властимир Николовски.

Инес Неделковска

Како победник Инес е поканета да настапи во живо на доделувањето на наградите во Куќата на Бетовен (во којашто се родил) во Бон, Германија, која сега е музеј, спомен куќа и престижна културна институција. Од исклучително значење е тоа што за првпат во Бон, во Куќата на Бетовен, Инес ќе изведе дело од македонски композитор, за кое ја доби специјалната награда.

Прочитајте и...  ВИДЕО | Андоновиќ: Србија во очекување на снимките на бруталност на кланот на Веља Невоља
Настап на младата пијанистка Инес Неделковска во „Карнеги хол“ во Њујорк

Младата пијанистка Инес Неделковска (2003) е една од најистакнатите млади македонски музичарки. Таа е ученичка во СМУ „Тодор Скаловски Тетоец“ во Тетово, во класата на проф. д-р Нина Костова – Јаневска и под менторство на еминентниот руски педагог Људмила Романова. Инес Неделковска досега се закитила со 12 први награди на меѓународни натпревари во Монте Карло, Италија, САД, Франција, Велика Британија, Германија, Шпанија, Македонија итн.

Како победник на овие натпревари, Инес добива можност да настапува во најистакнатите светски концертни сали, како што се „Карнеги хол“ и „Кауфман центар“ во Њујорк, „Ројал Алберт хол“ во Лондон, Театарот „Росини“ во Италија, Филхармонијата во Париз и многу други. Во рамките на познатиот фестивал „Москва ги пресретнува пријателите“, организиран од фондацијата на легендарниот виолинист и диригент, Владимир Спиваков, таа се претставила со три концерти пред московската публика.

Прочитајте и...  Румен Радев - заштитник на Бугарите во Северна Македонија
Настап на Инес Неделковска во „Ројал Алберт хол“ во Лондон

Во организација на Музичката младина на Македонија Инес Неделковска има реализирано голем број солистички концерти, како и настап на фестивалите „Скопско лето“ и „Охридско лето“ (Подиум на млади). Фасцинантните успеси на 17-годишната пијанистка Инес Неделковска се потврда за вонредниот талент и трудољубивост, високиот професионализам и врвната пијанистичка школа на нејзината професорка. Тоа е потврда дека ученичката Инес Неделковска со сигурност чекори по патот на успехот, претставувајќи ја со гордост нашата земја во светот.

(Текстот е објавен во „Културен печат“ број 64, во печатеното издание на „Слободен печат“ на 16-17 јануари 2021)

Поврзани вести

МЖСПП: Петтата категорија на заштита не пречи да се донесе и закон за Водно

Југослава Дуковска

Државниот Инспекторат за животна средина со кривична пријава за насипување земја и шут во езерото кај Далјан

Југослава Дуковска

Атанасоски за СП: Зарем Бугарите се Грци штом некогаш официјален јазик им беше грчкиот?

Владата „преживеа“, на ред се интерпелациите

Весна Тодоровска

Арсовски за СП: Ако сакаше да помогне Георгиевски немаше јавно да ги каже предлозите

Соња Христовска Угриновска

Центар ќе продолжи со ревидирање на плановите, но може да се гради според старите

Алек Стојковски

Остави Коментар