Македонскиот напаѓач Бојан Миовски има одлична сезона во дресот на Абердин и привлече внимание од многу екипи, па на Абердин ќе му биде тешко да го задржи во летниот преоден рок.

Договорот на Миовски со Абердин е со важност уште две години, а македонскиот напаѓач сега истакна дека е среќен во клубот, но потенцирајќи дека никогаш не се знае што носи иднината не ја исклучи можноста и за заминување.

„Со Абердин имам уште две години од договорот, но во фудбалот никогаш не знаете што може да се случи следно. Го сакам клубот и тоа им е јасно на сите околу мене. Сезонава ќе ми биде најдобра во кариерата ако гледаме индивидуално, но сакам и да помогнам тимот да има подобри резултати“, изјави Миовски за клупскиот сајт на шкотскиот им.

Во дресот на Абердин Миовски сезонава одигра 41 натпревар во кои постигна 22 гола и подели четири асистенции.