Министрите на ДУИ поднесоа оставки до Ковачевски, ќе важат ако се изгласаат уставните измени
Ние, министрите и владините функционери од редовите на Демократската унија за интеграција, поднесуваме оставки од функциите што во моментов ги извршуваме“, се вели во писмото на министрите од ДУИ доставено до премиерот Димитар Ковачевски. Ова го изјавил претседателот на ДУИ Али Ахмети по средба со дијаспората во Тетово.
Препорачано
Дека министрите писмено го известиле премиерот за оставките потврдија за „Слободен печат“ министри од ДУИ.
-Оставките, г. премиере, автоматски се ефективни во моментот кога опозицијата ќе ги изгласа уставните измени“, се вели во дел од писмото кое го испратиле министри на ДУИ до премиерот Димитар Ковачевски.
Понудата дека ДУИ е подготвена да поддржи Влада без ДУИ, доколку опозицијата ги поддржи уставните измени и истите стапат на сила пред формирањето на таа влада, првпат ја спомена шефот на дипломатијата Бујар Османи по лидерската средба помеѓу премиерот Ковачевски и лидерот на ВМРО-ДПМНЕ Христијан Мицкоски. Османи вчера во брифинг со новинарите повтори дека понудата е на маса ако опозициската партија ги гласа уставните измени.
