Мик Шумахер ќе седне во болидот на Михаел на Хокенхајм - Слободен печат
ОстанатoСпорт

Мик Шумахер ќе седне во болидот на Михаел на Хокенхајм

Младиот возач ќе го вози болидот на Ферари со кој неговиот татко ја освои шампионската титула во 2004 година.

Мик Шумахер кој моментно се натпреварува во Формула 2 и е дел од академијата на Ферари, ќе го вози болидот на татка си во сабота, пред квалификациите за трката за Големата награда на Германија, а потоа и ден подоцна. Ова е дел од одбележувањето на 15-годишнината од седмата титула на Михаел Шумахер кој четири од своите 91 победа во кариерата ги оствари на патеката Хокенхајм.

– Мислам дека ќе биде фантастично што ќе го возам тој болид на Хокенхајм.  Последен пат на оваа патека бев кога ја прославив титулата во Формула 3 и сега ќе го возам еден од најдобрите болиди во историјата на Формула 1 – рече Мик Шумахер.

Пред 15 години, Михаел Шумахер ја освои седмата шампионска титула во Формула 1,  а во сезоната Ферари триумфира на 15 од одржаните 18 трки.  Од тие 15 победи, дури 13 беа на Михаел Шумахер.

– Тоа ќе биде емотивен момент, да се види Мик Шумахер зад воланот на болидот од кој имам само убави спомени – изјави Рос Браун, извршниот директор на Формула 1, кој во 2004 година беше технички директор на Ферари.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close