Мигрантите, кои неодамна биле протерани од Хрватска во Босна и Херцеговина, во интервју за швајцарска телевизија изјавиле дека маскирани хрватски полицајци ги тепале, и тоа со мотики и гранки од дрвја, пренесуваат регионалните медиуми.

Тие на новинарите во швајцарската телевизија им ги покажале и раните со кои се здобиле по нозете и грбот.

Мигрантите тврделе дека хрватската полиција ги довела на границата кон БиХ, а потоа ги малтертирала.

Во прилогот на швајцарската телевизија се споменува и писмо на полицаец кој анонимно се пожалил дека шефовите ги тераат незаконски и насилно да протеруваат мигранти.

Автори на прилогот се Никол Вогел и Геор Хаузер.