Германската канцеларка Ангела Меркел денеска во телефонски разговор со турскиот претседател Таип Ердоган побарала „воената операција во Сирија веднаш да биде запрена“, изјави портпаролката на германската влада.

И покрај легитимните безбедносни интереси, операцијата може да придонесе за раселување на голем број локални жители, дестабилизирање на регионот и заживување на екстремистичката група Исламска држава (ИС), додаде портпаролката.

Западот ја осудува турската офанзива.

Турција започна воена офанзива во средата, насочувајќи се, според Анкара, против џихадистите и курдските милиции. Западот во голема мерка ја осуди офанзивата.

Анкара ја обвинува курдската милиција за поврзаност со Курдистанската работничка партија (ПКК), која ја смета за терористичка организација.

Според ООН, околу 130.000 луѓе веќе се раселени во северо-источна Сирија.