Менаџерот на Арсенал, Артета: Би сакал да соработувам со Венгер
Менаџерот на Арсенал, Микел Артета вели дека би сакал да соработува со легендарниот Арсен Венгер, а со францускиот стручњак разговарал за враќање во Лондон.
Венгер на клупата на Арсенал седеше 22 години и за тоа време освои три премиерлигашки титули и седум трофеи во ФА Купот.
„Би биле воодушевени доколку би бил со нас. Мислам дека и за него би било прекрасно, поради средината што ја создава околу себе. Сите го почитуваат, му се восхитуваат, го сакаат, поради сè што направи за овој клуб и затоа што се претставува себеси како личност – рече Артета.
Запрашан дали официјална понуда му била претставена на 72-годишниот стручњак, шпанскиот селектор изјави дека имало дискусија на таа тема.
– Разговаравме, се надевам дека ќе ни биде поблиску. Би сакал да работам со него, бидејќи мислам дека тоа би било многу корисно – се зборовите на Артета.
Арсенал моментно е петтопласиран во Премиер лигата со девет бода помалку од водечкиот Челси. Следниот натпревар е против Њукасл во сабота од 13.30 часот.