Новата анкета што ја спроведе магазинот „Татлер“ откри дека 45 проценти од Британците сметаат дека Меган Маркл не е добра за кралското семејство.

Магазинот анкетата ја спровел на повеќе од 2.000 Британци, а 39% од испитаниците сметаат дека Меган Маркл е лицемерна во врска со нејзиното залагање за климатските промени, додека 23% мислат дека Меган и принцот Хари би требало да се отселат во Лос Анџелес.

Од друга страна 40% од анкетираните мислат дека медиумите немаат фер однос кон Меган, а 27% веруваат дека причина за злонамерното известување за неа е расизмот.

„Моите пријатели ме предупредија на англискиот печат пред да се омажам за Хари. Јас за тоа ништо не знаев, затоа веројатно ми е тешко да сфатам сè што се случува. Искрено, не мислев дека сè ќе биде лесно, ама вакви тешкотии не очекував. Се борам ден за ден“, рече Меган во документарецот „Хари и Меган: Патување во Африка“.