Мареј: Младите тенисери не можат да ја загрозат големата тројка
Британскиот тенисер Енди Мареј смета дека играчите од новата генерација се уште не можат да ги загрозат Новак Ѓоковиќ, Рафаел Надал и Рожер Федерер во борбата за трофеите на грен слем турнирите.
Ѓоковиќ изминатиот викенд по деветти пат триумфира на Австралија Опен, дојде до 18. грен слем титула во кариерата откако во финалето во три сета со 7:5,6:2,6:2 го победи Данил Медведев и ја продолжи доминацијата на големата тениска тројка.
Ѓоковиќ, Надал и Федерер победија на 15. од последните 16. грен слем турнири, единствен кој ја наруши доминацијата е Доминик Тим со триумфот на УС Опен откако Ѓоковиќ беше дисквалификуван, а другите двајца тенисери од големата тројка не настапија. Токму поради тоа, Мареј смета дека младите тенисери на кои им припаѓаат и Медведев и Тим, сè уште не можат да ги загрозат Федерер, Надал и Ѓоковиќ.
– Очекував финалето да биде понеизвесно, но исто така знам колку Новак е добар кога „ја игра“ својата игра и е неверојатно мотивиран. Кога играш против некој што освоил 17. грен слем титули, 19 или 20, како што го прават овие момци е застрашувачко. Младите тенисери не покажаа дека им се приближија. На УС Опен, Доминик Тим го направи тоа што требаше за да победи, но доколку Новак не го испратеше топчето во вратот на линиската судијка, мислам дека конечниот исход ќе беше поинаков – вели трикратниот грен слем шампион, Енди Мареј.
Славниот тренер нема дилеми: Ѓоковиќ технички и тактички е најсовршениот тенисер на сите времиња
Откако загуби во финалето, му упати интересна порака: Новак, сакам да ми бидеш тренер