Играчот од средниот ред на Реал Мадрид, Орелиен Чуамени, би можел да оствари еден од најголемите трансфери ова лето. Иако „кралевите“ не го ставиле на продажба, клубот размислува да го пушти играчот од средниот ред доколку пристигне доволно примамлива понуда и доколку самиот фудбалер покаже желба за нов предизвик. Во таков случај, Реал би барал големо засилување како негова замена на позицијата дефанзивен играч за врска.

Чуамени пристигна во Мадрид во 2022 година за 80 милиони евра, иако за него сериозен интерес покажуваа и ПСЖ и Ливерпул, двата клуба кои Реал ги елиминираше на патот до титулата во Лигата на шампионите во 2021. Французинот беше донесен како наследник на легендарниот Каземиро, кој истото лето се пресели во Манчестер јунајтед.

Сега, според шпекулациите, токму Чуамени би можел да го замени Каземиро на „Олд Трафорд“, бидејќи Бразилецот е сè поблиску до трансфер во Интер. Манчестер јунајтед и Челси, кој сега го води неговиот тренер од сезоната 2025/26, Чаби Алонсо, се двата англиски гиганти кои покажуваат најголем интерес за францускиот репрезентативец. Иако моментално е повреден и го пропушта настапот на Светското првенство, интересот за него не стивнува.

🚨🎙️Fabrizio Romano : Manchester United are really pushing for Tchouameni but on their own terms ,Real Madrid also need to sell valued midfielder United still want andrey santos

🗣️ Manchester United intend to move the negotiation for Aurélien Tchouaméni into its operational… pic.twitter.com/pJF8iCCuLo

— Hk🐐🇵🇹🇯🇵 (@UTD__Ronaldo) July 7, 2026

Сепак, според најновите информации на трансфер-експертот Фабрицио Романо, Манчестер јунајтед јасно му ставил до знаење на Чуамени дека нема намера да ја преземе неговата сегашна плата. Доколку сака да се пресели на „Олд Трафорд“, ќе мора да прифати помали примања од сегашните 12,5 милиони евра годишно што ги заработува во Реал Мадрид.

Романо додава и дека Реал Мадрид сè уште не му дал „зелено светло“ на англискиот клуб за евентуална продажба на францускиот играч.

Навивачите на Манчестер јунајтед сигурно нема да бидат задоволни ако токму платата биде главната пречка за трансферот. Иако 12,5 милиони евра годишно е значителна сума, многумина сметаат дека таа не е неразумна за играч од калибарот на Чуамени, особено ако клубот верува дека може да го извлече неговиот максимум.

Во изминатите години Манчестер јунајтед неколкупати остануваше без големи засилувања токму поради неподготвеноста да ги изедначи финансиските услови што ги нудеа другите клубови. Со враќањето во Лигата на шампионите под водство на Мајкл Керик и амбициите повторно да се бори за титулата во Премиер лигата, навивачите очекуваат клубот да покаже поголема решителност во трката за Чуамени.

Од друга страна, Реал Мадрид не брза со продажба. Во моментов клубот нема конкретен интерес за Енцо Фернандез или други потенцијални замени, па нема причина да го продаде Французинот, освен ако не добие понуда од најмалку 90 милиони евра, средства што би можел да ги искористи за доведување на ново врвно засилување.

ВИДЕОИНТЕРВЈУ | Единствените македонски известувачи од Мундијалот: Мијалче и Наташа Дургутови