Макрон може да ги реши изборите во Македонија

Овојпат не е во прашање само датумот, туку и стравот на меѓународната заедница дека ќе се загрози проширувањето воопшто, го објаснува Петар Арсовски очекувањето за голем надворешен притисок.

Ветер во грб на власта или подарок за опозицијата – е моќта што може да ја има на изборите во април одлуката на ЕУ да додели датум за почеток на преговори со Македонија или не. Утре, во Македонија доаѓа новиот претседател на Унијата Шарл Мишел, а на 5 февруари ќе се објави новата методологија на ЕУ. Неколку дена потоа ќе се објави извештајот за Македонија, а Брисел ќе решава за почнување на преговорите со Македонија. Според аналитичарите, одлуката на Брисел, каква и да е, ќе стане тема број еден во изборната кампања.

– Ако дојде датумот за преговори во март, тоа ќе биде голем ветер во грб за СДСМ. Граѓаните ќе добијат впечаток дека ЕУ го поддржува Зоран Заев, смета аналитичарот Петар Арсовски.

За него не е дилема дали датумот за избори ќе биде тема во кампањата, колку и да не изгледа така во моментов. Ако го има, смета тој, ќе има големо влијание, но нема да влијае толку негативно на СДСМ, ако го нема или ако дојде по изборите.

Прочитајте и...  Сообраќајни контроли на МВР: Нови 339 санкционирани возачи во Скопје

Арсовски верува дека ќе следи силен меѓународен притисок за да се исполнат неформалните услови на ЕУ.

– Овојпат не е во прашање само нашиот датум. Меѓународната заедница се плаши дека ќе се загрози проширувањето воопшто. Затоа притисокот да ги исполниме условите ќе биде многу голем, најпрвин врз ВМРО-ДПМНЕ , а ако не успее – кон осумте пратеници. Во Брисел се решени да ја поправат штетата од блокадата на Франција – смета Арсовски.

Според него, ВМРО-ДПМНЕ нема да биде многу среќна пред изборите во Македонија од Брисел дојде датум или категорична најава за добивање датум за преговори. Опозицијата би сакала тоа да се случи во мај, по изборите, кога ќе можат да си го препишат евентуално и како свој успех, иако го спори Преспанскиот договор, смета Арсовски.

Прочитајте и...  Четири лица починаа од ковид-19, нови 178 лица се заразени

Аналитичарот Алберт Муслиу во датумот за преговори со ЕУ, исто така, гледа потенцијал за влијание на изборите.

– Сѐ она што ќе се случи дотогаш ќе влијае зависно од тоа како ќе им биде претставено на граѓаните. Дури и да нема датум дотогаш и само да биде објавена методологијата за преговарање, тоа ќе влијае позитивно, бидејќи ќе биде поповолна за граѓаните, односно ќе отвори поголем пристап до фондовите на ЕУ што им се битни, за екологијата, економијата…– вели Муслиу.

Тој не верува дека ВМРО-ДПМНЕ сака да го опструира процесот со недонесување на законот за Јавно обвинителство, но меѓу датумот и победата на изборите, поважно им е второто. Тие две прашања, ЕУ и НАТО, според него, треба да ги изземат од изборите, бидејќи евроинтеграцијата и укинувањето на Преспанскиот договор не одат заедно.

За Владимир Божиновски датумот за преговори нема да биде тема на избори, бидејќи дотогаш ќе го нема. Но, фактот дека целото политичко работење на власта во изминативе три години се базираше на добивањето на тој датум, дека се донесоа многу непопуларни одлуки, според него ќе стане неизбежен дел од предизборната реторика на опозицијата, која ќе го претстави тоа како неуспех на власта.

Прочитајте и...  Гренел и 13 претставници на Вашингтон утре во посета на Приштина

Според Божиновски, немаат основа тврдењата дека ВМРО-ДПМНЕ го загрозува датумот со тоа што не гласа за законот за Јавно обвинителство и со тоа што го оспорува Преспанскиот договор.

Од Брисел, пак, стигаат пораки дека без радикално подобрување на институциите и економијата ниту една земја нема да добие членство во Унијата. Дилемата е само дали ова предизборие ќе го искористи Брисел да молчи или ќе го стави датумот за преговори во центарот на кампањата и на одлуката на граѓаните – кој да победи и со што.

Прочитај повеќе

Во грчкиот Парламент доставени три договор со Северна Македонија

МИА Агенција

Дикректорот на Токсикологија: Дали покрај маските, везирот, ракавиците, ќе мора да носиме и нунчаки за самоодбрана???

Слободен печат

Финансиско освежување за шведската економија: „Инјекција“ од 12 милијарди долари за излез од корона-кризата

Слободен печат

Барање до ЕУ: Три земји-членки на Унијата со предлог за економска помош за Белорусија

Слободен печат

Убиецот на Саздо екстрадиран во Македонија

Слободен печат

Измените во законите за образование пред пратениците: ВМРО-ДПМНЕ ќе одлучува дали ќе ги поддржи

Остави Коментар

Прочитај повеќе

Нова заболена волонтерка на оксфордската вакцина, „АстраЗенека“ вели дека нема врска со случајот

Слободен печат

Носете заштитни маски, МВР казни 679 лица

Слободен печат

Музиката ме спаси од дрога и проституција: Јас сум таа која требаше да биде на погрешно место во погрешно време

Слободен Печат

Викендов паркингот на Водно го искористиле 383 возила

Слободен печат

Крушево повторно има вода, после четири дена!

Решен проблемот со водоснабдување на жителите на Козле

Слободен печат