Женската јуниорска репрезентација на Македонија го освои 16 место на Европското првенство од дивизијата „Б“ за кошакарки „Под 18“ години.

Во послендиот натпревар во Софија подобра од нашата беше јуниорската репрезентација на Австрија со 74:81.

Со само 10 кошаркарки во составот, ова беше и максимумот кој нашите млади кошаркарки можеа да го дадат во последните 40 минути на шампионатот во главниот град на Бугарија.

Конечниот победник го реши првата четвртина во која Австријките реализираа дури 30 поени, а нашите јуниорки само 16.

Сето друго беше во раммите на еден израмнет меч во кој Австрија ја одржуваше таа висока разлика. На крајот од средбата, Македонија се доближи и на негатива од само пет поени (72:77), но немавме енергија за комплетно „враќање“, а и малку време до крајот 75 секунди.

Една од нашите најмлади кошаркарки Ања Начевска, имаше уште едно одлично индивидуално издание од 27 поени, по 11 реализираа Алексовска и Ѓуковиќ, а 10 постигна Николиќ.