Селекторите на двете репрезентации Германија и Македонија, Јоаким Лев и Игор Ангеловски, ги објавија стартните 11 со кои ќе го започнат вечерашниот натпревар (20.45 часот) во Дуизбург во рамките од квалификациите за пласман на Светското првенство.

Ангеловски се одлучи за формација 3-5-2, од првата минута во нападот да ги има Трајковски и Пандев, потоа во средниот ред се Алиоски, Елмас, Адеми, Барди и Николов.

Во одбраната се Муслиу, Велковски и Ристовски, а на голманската позиција е Димитриевски.

Шанса од клупата ќе чекаат Богатинов, Шишковски, Бејтулаи, Ашковски, Ристевски, Радески, Хасани, Стојановски, Велкоски, Спировски, Ибраими.

Во продолжение и стартниот состав на Германија: Тер Штеген, Емре Чан, Гинтер, Рудигер, Госенс, Горецка, Кимих, Гундоган, Хаверц, Гнабри, Сане.

 

View this post on Instagram

 

A post shared by Football Federation-Macedonia (@ffmacedonia)