Maкедонската фудбалска репрезентација по ремито со Италија (1:1) и победата против Малта (2:0), денеска ја очекува натпревар против Украина.

Македонија се уште е во битка за Европското првенство, но за да останеме и понатаму потребно е да ја победиме Украина во Прага. Се уште свежи се сеќавањата на болниот пораз во Скопје во кој водевме со 2:0 на полувремето, но на крајот изгубивме со 2:3. Во овој натпревар одличен беше Михајло Мудрик кој запиша две асистенции.

Дека таков пад на концентрацијата не смее да ни се случи предупреди и селекторот Милевски на вчерашната прес-конференција.

„Утрешниот натпревар ќе биде комплетно различен од тој во Скопје. Дојдовме во ситуација во која на двете селекции им одговара само победа. Очекувам еден отворен меч од двете страни. Македонија треба да биде фокусирана во текот на сите 90 минути, а не како што се случи на првиот дуел во Скопје“, изјави селекторот на денешната прес-конференција.

Украинците во натпреварот влегуваат ослабени бидејќи не можат да сметаат на Андреј Јармоленко и Виктор Цингаков, двајцата се отсутни поради повреди.

Во нашиот состав, Милевски се одлучи за овој циклус да не ги повика напаѓачите Илија Несторовски и Дориан Бабунски кои претходно добиваа повик.

Натпреварот се игра во терминот од 15:00 часот, а на табелата ќе потсетиме, Италија, Македонија и Украина имаат по седум бода, Англија е лидер со десет, а Малта е последна. По натпреварот со Украина, Македонија ја чека натпревар дома против Англија и гостување во Рим против Италија.