Македонија ЃП го промовираше Наџи Шенсој – Слободен печат
СпортФудбал

Македонија ЃП го промовираше Наџи Шенсој

Ќе дебитира в сабота на клупата на популарните „лавови“ од Ѓорче на прволигашкиот дуел против Работнички.

Како што и официјално соопштија од клубот, 61-годишниот стратег роден во Призрен ќе седне на клупата на ѓорчепетровци. После репрезентативните обврски, погледите повторно се насочени кон домашното првенство пред чие продолжение имаме нова тренерска промена.

Време е за нови фудбалски возбудувања и ново по ред 15. коло од Првата македонска фудбалскал ига кое е на програмата овој викенд.

Дуелот ќе се игра од 13.00 часот, а останатите четири средби од колото во истиот термин, но в недела ќе играат Борец-Силекс, Шкендија-Ренова, Академија Пандев-Струга Трим Лум и Вардар-Шкупи.

В сабота екипата на Македонија ЃП на домашен терен ќе го пречекаат градскиот ривал Работнички. На дебито на новиот шеф на стручниот штаб на популарните „лавови“ од Ѓорче Петров ќе биде Наџи Шенсој кој доаѓа како наследник на досегашниот кормилар, Александар Таневски.

После 14 кола во шампионатот Македонија ЃП е на шестото место со 18 бодови, а последни се „романтичарите“ со 11. Шенсој во нашата земја веќе има водено една екипа, станува збор за битолски Пелистер во периодот од 2016-2017 година.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close