Започна нова ера за НБА клубот Шарлот хорнетс, зголемувајќи ја надежта дека ќе се променат работите на подобро. Шарлот веќе седум години по ред не обезбедува место во плеј-офот, минатата сезона беше претпоследен по регуларниот дел во Источната конференција.

Гејб Плоткин и Рик Шнал во четвртокот официјално го добија мнозинскиот удел на Хорнетс од шесткратниот шампион во НБА, Мајкл Џордан, носејќи нови размислувања и идеи.

Плоткин рече дека тој и Шнал планираат да бидат „трпеливи“ сопственици на НБА, но тие се поттикнати да изградат победник во Шарлот.

– Наша работа е да произведуваме победничка кошарка. Победата бара многу структура и тоа не се случува преку ноќ. Ќе се обидеме да го позиционираме бизнисот за успех на долг рок и ќе се обидеме да носиме паметни одлуки – рече Плоткин.

Плоткин рече дека ќе се фокусира на аналитиката, развојот на играчи, стратегијата и спортските перформанси. Во блиска иднина ќе има и реновирана арена и најсовремен објект за вежбање, за кои Плоткин верува дека ќе помогнат во развојот и привлекувањето играчи, и дека на крајот ќе значат повеќе победи.

Thank you, Michael Jordan, for 13 memorable years. pic.twitter.com/H32InriDRu

— Charlotte Hornets (@hornets) August 4, 2023