Претседателот на Белорусија Александар Лукашенко изјави дека Украина му предложила на Минск да склучи пакт за ненапаѓање, пренесува белоруската државна агенција „Белта“.

Според неговите тврдења, Западот не се откажал од своите планови, кои се однесуваат на Белорусија, да продолжи со обука на милитанти и екстремисти во Украина.

„Не знам што ќе им направи на Украинците. Од една страна бараат од нас во никој случај да не влегуваме во војна со Украина, нашата војска да не оди таму. Тие предлагаат пакт за ненапаѓање. Меѓутоа, од друга страна го подготвуваат тој хаос и ги вооружуваат милитантите. Полска и Литванија целосно полудеа. Зошто им е потребно? Не е јасно. Затоа, принудени сме да реагираме жестоко“, рече Лукашенко на состанокот посветен на друштвено-политичката ситуација во земјата.