Русинот Данил Медведев денеска ќе игра во финалето на тенискиот турнир во Барселона откако во полуфиналето го совлада Кеи Нишикори со 2:1 во сетови (6:4,3:6,7:5) но освен со триумфот тој го привлече вниманието и со своето однесување на паузата помеѓу гемовите.

Обично на паузите, тенисерите пијат вода, енергетски пијалоци, јадат банани или енергетски продукти. Но, Медведев од торбата извади шишенце со сол и почна да го тресе во устата. Иако изгледа невообичаено, Медведев имаше добра причина за овој несекојдневен потег.

We’ve all heard of tennis players being salty, but Daniil Medvedev took things next level by literally chugging from a salt shaker on a changeover. (? @tennistv) pic.twitter.com/7lGSZ0iGXG

— Ben Rothenberg (@BenRothenberg) April 27, 2019

Тенисерите се потат, а Медведев се поти далеку повеќе од другите со што губи многу повеќе сол преку потта. На спортистите им е потребен малку поголем внес на сол во организамот за да може крвниот притисок да истане нормален од големите напори на тренинзите или натпреварите.

Очигледно, Медведев се консултирал со нутриционист и дошол до заклучок дека му е потребен внес на сол за време на натпреварите.