Секое лице кое паднало во рацете на бандата „лотарија“ од Косово ги изгубило сите пари, објави германски Билд.

Една од жртвите на тројцата членови на бандата, кои сведочеа во судот во Бад Кројзнач, ги раскажа своите искуства. Според таблоидот Едит П. (72) изгубила над 53 илјади евра што ги штедела повеќе од 20 години.

„Вие младите не можете да замислите колку е тешко да соберете толку многу пари кога работите во кујна! Јас се грижев за татко ми и мајка ми 35 години. Покрај тоа, работев и како готвач. И ти уништи сè! “ им рече Едит на обвинетите.

Лото измамниците за прв пат ја контактирале Едит во август минатата година. Таа им поверувала бидејќи и рекле дека се од НКЛ лотаријата. За неа ова име било познато бидејќи порано играла во ова лото.

Се очекува тројцата косовци Бесарт Б (25), Егзон Л (23) и Емил Е. (23) да бидат осудени на казна затвор откако украдоа над 267 илјади евра од над 1000 пензионери.

„Се срамам од она што го направив. Жал ми е. Вистина ќе се обидам да ја поправам штетата кога ќе излезам од затвор. Парите ќе ги вратам на рати“, рече Бесарт Б., кој се смета за лидерот на измамничката банда.