Поранешниот италијански репрезентативец и капитен на Рома, Даниеле де Роси, се наоѓа во болница поради коронавирус, пишува „Газета дело Спорт“.
Ситуацијата со Де Роси не е премногу сериозна, тој не се наоѓа во болница бидејќи здравјето му е сериозно загрозено туку како мерка на препазливост, пишува весникот.
Де Роси беше позитивен на коронавирус по враќањето од обврските со италијанската репрезентација каде му е помошник на селекторот Роберто Манчини.
Вистински кластер е создаден меѓу италијанските репрезентативци бидејќи пред Де Роси, позитивни на коронавирус беа и Бонучи, Флоренци, Верати, Грифо, Крањо, Бернардески и Сиригу.
Даниеле де Роси е вистинска легенда на Рома за која настапуваше од 2001 до 2019 година, а кариерата ја заврши во Бока Јуниорс во 2020 година.