ФОТО: Лажна дојава за бомба во МНТ ги испразни околните објекти

Лажна дојава за бомба испразни повеќе објекти во центарот на Скопје / фото: Слободен печат

Полицијата вечерва соопшти дека причината за блокадата на дел од центарот на Скопје е пријавен напад во објектот на Македонскиот народен театар, по што биле евакуирани сите објекти од културата во околината.

Бил извршен преглед на објектот со полициски кучиња, по што е заклучено дека дојавата е лажна. Одложена е претставата „Не се клади на Енглези“ која била на репертоарот на театарот вечерва.

Лажна дојава за бомба испразни повеќе објекти во центарот на Скопје / фото: Слободен печат

„МВР ги направи потребните проверки и утврдено е дека пријавата за напад е лажна. Се преземаат мерки за утврдување на пријавата и преземање на соодветни мерки и санкции против личноста која лажно пријавила. Им благодариме на граѓаните за трпението, и на медиумите за професионалниот однос кон ситуацијата“, се вели во соопштението.

Полицајци сѐ уште се распоредени околу објектите, а на стотина граѓани кои чекаа пред објектот на Филхармонијата, им беше дозволено да влезат во објектот, каде ќе се одржи најавениот концерт.

Видео на денот