Лазаревска: ВМРО-ДПМНЕ и Ѓорчев попречуваат илјадници вработени да добијат покачување на платите од 10 проценти
Истовремено, Лазареска потенцира дека се блокира и носењето на измените на Законот за стечајци со што го блокираат решавањето на статусот на околу 50 стечајци од тиквешкиот регион.
Пратениците од СДСМ денеска на прес-конференција го обвинија пратеникот Влатко Ѓорчев од ВМРО-ДПМНЕ дека не ја закажува седницата на Комисијата труд и социјална политика на која ќе се расправа за измените на Законот за исплата на плати, со кој се предвидува и вработените на државните универзитети да го добијат покачувањето до 10 проценти, исто како и наставниците од основното и средното образование.
– ВМРО-ДПМНЕ и Влатко Ѓорчев на директен начин попречуваат илјадници професори и вработени во високото образование да добијат покачување на платите од 10 проценти, кое им следува од 1 јануари оваа година и за што веќе се обезбедени пари во Буџетот, изјави пратеничката Жаклина Лазаревска од СДСМ.
Таа предупреди дека доколку не биде изгласан Предлог-законот до распуштањето на Парламентот, вработените на универзитетите со месеци нема да можат да земат покачување на платите.
Истовремено, Лазареска потенцира дека се блокира и носењето на измените на Законот за стечајци со што го блокираат решавањето на статусот на околу 50 стечајци од тиквешкиот регион.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот