8 C
Скопје

Курти со писмо до Нетанјаху и до Ердоган: Ви благодарам за честитките за изборната победа

Лидерот на партијата Движење Самоопределување (ВВ), Албин Курти, кој се очекува да биде иден косовски премиер по победата на неговата партија на парламентарните избори на 14 февруари, упати писма до премиерот на Израел, Бенјамин Нетанјаху и претседателот на Турција, Реџеп Таип Ердоган, во кои им се заблагодари за честитките за изборната победа, но не го спомна прашањето на отворањето на амбасадата на Косово во Ерусалим.

Како што јави дописникот на МИА од Приштина, во писмото до Нетанјаху, Курти вели дека ќе го посети Израел „во погодно време за двете страни“ нагласува дека гледа на воспоставувањето дипломатски односи меѓу двете држави како на можност за јакнење на политичката економската и културната соработка.

Прочитајте и...  СДСМ: Продолжува помошта кон работниците и компаниите

– Нашата нација историски ја почитува еврејската заедница. Како иден премиер на Република Косово, ќе ми претставува чест да ги адресирам прашањата на еврејската заедница и нејзиното наследство во нашата земја. Благодарам за поканата да ја посетам вашата пријателска држава и тоа ќе го направам во едно погодно време за двете страни, му напиша Курти на израелскиот премиер.

На турскиот претседател, пак, идниот косовски премиер се заблагодарува за „поддршката од турската држава и народ во решавачките времиња” за косовската држава.

– Кога ќе се формира нашата влада ќе настојувам да ги прошириме и продлабочиме нашите односи преку нашата отворена и искрена комуникација и соработка, му напиша Курти на Ердоган.

Курти минатата недела се најде „меѓу два огна”, откако, од една страна, Нетанјаху го покани на отворањето на косовската амбасада во Ерусалим, додека Ердоган му побара да го занемари договорот од 4 септември во Соединетите Американски Држави, со кој Косово се обврза да ја отвори својата амбасада во тој град, наместо во Тел Авив.

Поврзани вести

ВИДЕО I Русија ја активира северната флота: Целта е да се заземат стратешките точки на Арктикот по секоја цена

Слободен печат

Повторно се тресеше Хрватска: Земјотрес е забележан и во Словенија

Слободен печат

ВИДЕО I Заврши судењето за убиството на Афроамериканецот Џорџ Флојд: Војска и хеликоптери низ улиците на САД, Дерек Шовин е виновен

Слободен печат

ВОЗНЕМИРУВАЧКО ВИДЕО: 12-годишно девојче oд Велес, брутално нападнато од својата врсничка додека останатите гледаат и снимаат со телефон

Слободен печат

Кинеската вакцина е 93 отсто ефикасна во спречување на хоспитализација: Не е забележам ниту еден смртен случај

Слободен печат

Вработен во казино играл со пари што ги извадил од апарати, „се покрил“ со 5.000 службени евра

Слободен печат

Остави Коментар