Кристијан Киву од следната сезона ќе го води италијанскиот фудбалски клуб Интер, пренесува новинарот Фабрицио Романо.

Киву се согласи за договор со миланските „нераѕури“ до јуни 2027 година и ќе заработува околу 1,5 милион евра по сезона.

Договорот е потпишан со Киву кој ја напушта Парма и се враќа во Интер како замена за Симоне Инѕаги.

Киву беше фотографиран на терасата на хотел во центарот на градот Милано, заедно со Дарио Бачин, еден од спортските директори на Интер.

Претседателот на клубот Бепе Марота и уште еден спортски директор, Пјеро Аусилио, исто така беа видени како ја напуштаат зградата неколку часа подоцна.