И покрај виралниот скандал што ја потресе јавноста, пејачот на „Колдплеј“ Крис Мартин нема намера да ја укине познатата „камера за бакнежи“ на концертите на бендот.

Сцената која ја видоа илјадници фанови на концерт во Бостон, кога на големиот екран беше прикажан тогашниот извршен директор на „Астрономер“ Енди Бајрон во интимен момент со колешката Кристин Кабот, предизвика лавина реакции и стана глобално вирална. Подоцна се откри дека двајцата се во брак со други партнери.

„Веќе долго време ја користиме камерата за бакнежи, а дури неодамна стана… да, ова. Животот ти дава лимони и мораш да направиш лимонада. Затоа ќе продолжиме, бидејќи сакаме да ве запознаеме“, им порача Мартин на присутните.

Додека разговараше со публиката, тој прочита и неколку транспаренти, меѓу кои и на еден обожавател кој признал дека бил на три концерти за само три месеци.

„Беше и во Бостон, нели? Па добро, благодарам што пак дојде после оној дебакл“, се пошегува фронтменот.

Виралната снимка покажа како парот, откако сфатил дека е фатен од камерата, се обидува незгодно да се сокрие. Мажот се наведнал, а жената го свртела лицето. Тогаш Мартин во живо коментираше: „Или имаат афера, или се само многу срамежливи“.

По скандалот, сопругата на Бајрон, Меган Кериган Бајрон, го отстрани неговото презиме од социјалните мрежи и се повлече од јавноста, засолнета во нивната вила во Мејн. Кристин Кабот, пак, беше фотографирана без бурма пред својот дом во Масачусетс, додека самиот Бајрон сè уште не е виден во јавноста.

Фатен на дело: Суспендиран директорот на „Астрономер“ по аферата на концертот на „Колдплеј“!