Креаторот на хаосот во Формула 1 ќе добие отказ?
Директорот на трките во Формула 1, Мајкл Маси, се наоѓа пред отказ, откри Питер Баер извршниот директор на Светката автомобилистичка федерација (ФИА) задолжен за едноседи.
Челниците на ФИА ги бараат виновниците за контроверзната трка во Абу Даби на која се решаваше за шампионската титула. Тогаш по рестартот на трката, Марк Ферстапен во последниот круг го претекна Луис Хамилтон и му ја „украде“ титулата на Британецот кој дотогаш водеше.
Случувањата не беа грешка на Ферстапен, туку на директорот на трките Мајкл Маси кој не го применуваше истиот критериум во текот на целата сезона и со донесените одлуки во Абу Даби го загуби кредибилитетот, но и „компасот“ до таа мерка што не го употребуваше правилникот. Порадо тоа ќе сноси последици, најави еден од извршните директори на ФИА.
– Во бројни ситуации Мајкл добро си ја заврши работата и му го кажавме тоа. Но постои можност да добиеме нов директор на трките – изјави Баер кој најави дека улогата на директор на трките може да биде проширена на неколку лица бидејќи само еден тешко би можел да ги филтрира сите одлуки.