Иако се најавуваше, така и размислуваше светската кошаркарска куќа (ФИБА) во своите проценки, односно ранкинзи, дека САД и Србија ќе се борат за светското злато во Кина, тоа нема да се случи.

Според обложувалницата „bwin“, сега најголеми шанси за светската титула им се даваат на Шпанија и Франција кои имаат иста квота (2.75) како победник на СП 2019.

На третата позиција е сместена Австралија (4.00) која за првпат е помеѓу најдобрите четири селекции на СП, а најмали шанси им се даваат на Аргентинците (8.00).

Од овие четири селекции последна која успеала да се искачи на тронот е Шпанија на Светското првенство во 2006 година, нејзина прва титула и единствен досега медал.

Франција има само една бронза во својата историја, а Аргентинците се закитиле со два медали, едно сребро во 2002 година и едно злато и тоа на првото организирано СП во 1950 година токму на нивно тло.