За првпат во својата историја на светските шампионати, Австралијците обезбедуваат пласман помеѓу најдобрите четири кошаркарски репрезентации во светот.

Претходно најдобриот пласман го имаа во далечната 1986 година кога на СП во Шпанија го освоија петтото место.

Во полуфиналето на 13. септември од 10.00 часот по македонско време Австралијците ќе ги одмерат силите против Шпанија која претходно триумфираше над Полска со 90:78.

На денешниот дуел против Чесите доминираше кој друг ако не Пети Милс со 24 поени (шест асистенции), а на спротивната страна Патрик Ауда се истакна со 21 кош.

Да додадеме уште дека в петок, но од 14.00 часот во втората полуфинална пресметка Аргентина ќе се соочи со Франција која приреди изненадување елиминирајќи го досегашниот бранител на титулата, САД.