Крај на сагата: Мукоко потпиша нов договор со Борусија Дортмунд
Jусуфа Мукоко кој беше мета на многу европски гиганти денес потпиша нов договор со Борусија Дортмунд со важност до 2026 година.
Имаше интерес за Мукоко од Челзи, Ливерпул, Манчестер Јунајтед…Но на крајот 18-годишниот фудбалер одлучи да продолжи да ги брани боите на „милионерите“.
Мукоко на потпишувањето на договорот истакна дека бил свесен за интересот од гигантите, но дека со своето срце одлучил да стави потпис на нов договор.
„Навистина сум почестен од интересот на другите клубови, меѓутоа ова е одлука која ја донесов со срце. Фановите секогаш ми даваа поддршка и сакав да им вратам за таа доверба“, изјави Мукоко.
Инаку, Мукоко пред една недела беше во центарот на вниманието на јавноста поради сомнежите за неговите години. Во јавноста се појавија одредени информации дека место 18 како што е официјално наведено има 22 години.
Borussia Dortmund and Youssoufa Moukoko have agreed to work together until 2026 ✍️ pic.twitter.com/W0SqRT6Zsr
— Borussia Dortmund (@BlackYellow) January 21, 2023