Ковид-19 во Франција: Рекорден број на хоспитализации во 2021 година
Бројот на пациенти со ковид-19 во болниците низ Франција достигна рекорден број од ноември минатата година. Од 28.029 пациенти во болниците, на одделенијата за интензивна нега се сместени 3.270. И бројот на хоспитализирани и бројот на пациенти на интензивна нега е најголем оваа година.
Над 28.000 пациенти во болнички кревети за последен пат беа регистрирани на 30 ноември во 2020 година, додека рекорден број на хоспитализирани во земјата имаше на 16 ноември лани – 33.497.
Во Франција се потврдени нови 23.337 случаи на коронавирусот, што е голем скок во однос на вчерашните 4.347 и повеќе дури и од минатиот понеделник кога беа регистрирани 22.086 заразени лица, соопшти француското Министерство за здравство.
Министерството за здравство, исто така, соопшти дека е зглемен и бројот на починати – вчера се регистрирани уште 726 смртни случаи, во споредба со 455 во понеделникот.