Премиерот Димитар Ковачевски за наводниот план на експремиерот и експретседател на СДСМ Зоран Заев за пуч изјави дека нема да коментира бидејќи самиот Заев ги демантирал тие информации.

„Мојот однос со сите претходни претседатели на партијата е на ниво на комуникација со луѓе коишто се вградиле како во развојот на партијата и во развојот на државата, бидејќи сите извршувале високи државни функции и секако дека искуството кое го имаат, доколку биде потребно тогаш јас знам да се консултирам со нив. Најголемиот дел од претседателите присуствуваа на трибините и со тоа ја искажаа  својата поддршка. Заев ги демантираше тие наводи и не коментирам други политичари. СДСМ е консолидирана партија и своите политиките ги гради на состаноците на извршниот и на централниот одбор, рече Ковачевски.