Костески: Ќе се ротира и ќе биде тешка сезона, со многу натпревари

Фото: instagram.com/rkeurofarmpelister/

Екипата на Е. Пелистер се подготвува за натпреварите во новата сезона со амбиции да одигра уште подобро во однос на минатата година.

Првиот тим веќе одигра и контролен меч против вториот тим триумфирајќи со резултат 30:22 во спортската сала во Маврово.

– Има разлика од претходните сезони, бидејќи сезонава почнува порано со официјалните натпревари. Започнуваме против Вардар во Суперкупот на Македонија и немаме многу време за да се спремиме, па го забрзуваме процесот. Подготовките траат и сè е во ред со сите ракометари.

Сезонава составот не претрпе големи промени, 70% останавме старите играчи. Имаме новајлии, се вклопуваат во системот и мислам дека со официјалните подготовки добро ќе ја започнеме новата сезона.

Ќе се зголеми бројот на натпревари сезонава. Ќе има доста натпревари за секого. Ќе се ротира и ќе биде тешка сезона, со многу натпревари. Верувам дека работите ќе течат како што треба – вели играчот на Е. Пелистер и воедно македонски репрезентативец, десното крило Ненад Костески.

Официјалниот ростер на РК Е. Пелистер за новата сезона во сите натпреварувања:

Голмани: Марко Кизиќ, Мартон Секељи, Филип Ивановски.
Леви крила: Гоце Ојлески, Бојан Маџовски
Десни крила: Ненад Костески, Јосип Божиќ Павлетиќ
Леви бекови: Стипе Мандалиниќ, Немања Обрадовиќ, Дејан Кукуловски, Милорад Кукоски
Средни бекови: Јосип Периќ, Реиние Табоада, Марио Танкоски
Десни бекови: Матео Мараш, Мартин Велковски, Мирко Радовиќ
Пивоти: Никола Маркоски, Томислав Кушан, Елмир Граџан

ЕХФ потврди: Е. Пелистер директно во групната фаза во Лигата на Европа, Пролет во квалификациите

Видео на денот