Поради прогласената воена состојба во Израел, сите спортски настани на територијата на оваа земја се одложени до дополнително известување.

Клубовите им дадоа можност на странците да ја напуштат земјата, а на големо се шпекулира што ќе биде со натпреварите на екипите кои играат во европските натпреварувања.

Пред сè се однесува на кошаркарските напреварувања Евролигата и Еврокупот кои штотуку започнаа, а веќе во второто коло поради ситуацијата во Израел мораше да се одложи евролигашкиот натпревар помеѓу Олимпија Милано и Макаби Тел Авив. Нов датум ќе биде одреден подоцна.

На ист начин веќе се водеше полемика дали Валенсија следната недела ќе мора да оди во Тел Авив, а одговорот на тоа прашање брзо стигна – нема. Бидејќи двата клуба се договориле да се сменат домаќините, па шпанскиот клуб ќе биде домаќин во „Фонтета“ на 18 октомври.

Натпреварот ќе се игра од 20.30 часот, а во вториот дел од сезоната Макаби ќе го пречека шпанскиот тим во Тел Авив доколку се смири ситуацијата или ќе се игра на друго место.

🔄 Cambio de campo
🆚️ @MaccabitlvBC

El partido del miércoles 18 de octubre cambia de campo y pasará a jugarse en la Fonteta a las 20:30 horas del mismo día pic.twitter.com/ftWWl3pZjI

— Valencia Basket Club (@valenciabasket) October 9, 2023