Коронавирус пред ол-стар натпреварот, двајца кошаркари го откажаа настапот
Ѕвездите на Филаделфија сиксерс, Џоел Ембид и Бен Симонс нема да настапат на ол-стар натпреварот кој вечерва ќе се игра во Атланта поради контакт со личност која е позитивна на коронавирус.
Според информациите на новинарот на „Атлетик“, Шемс Чаранија, Ембид и Симонс биле во контакт со личност која е позитивна на коронавирус и поради тоа се приморани да одат во карантин и нема да бидат дел од вечерашниот натпревар во Атланта.
Ембид требаше да биде стартер во екипата која ја бираше Кевин Дурент, додека Симонс беше избран како резерва од страна на Леброн Џејмс.
„Пред патот за Атланта, играчите на Филаделдија, Ембид и Симонс биле во контакт со личност за која денеска е потврдено дека е позитивна на коронавирус. Поради тоа, тие двајца нема да настапат на Ол-стар натпреварот. Останатите учесници од Филаделдија не се загрозени бидејќи немале контакти со заразеното лице“, објави НБА лигата.
The NBA has ruled Joel Embiid and Ben Simmons OUT of tonight’s All-Star Game: pic.twitter.com/RUn4iNrfwc
— Marc Stein (@TheSteinLine) March 7, 2021
