Намалената побарувачка на електрична енергија поради карантинот но и конкуренцијата од обновливи извори на енергија ја намалија потрошувачката на фосилни горива во Индија што пак директно се рефлектираше во намалување на емисиите од СО2 за прв пат по 40 години во земјата.

Емисиите на СО2 опаднаа уште во март за околу 15 проценти и можно е во април да биде забележан пад од дури 30 отсто.

Според студијата која ја објави веб – страницата „Carbon brief“, емисиите се намалиле за околу еден процент во фискалната година што заврши во март 2020 година, по падот на потрошувачката на јаглен, додека кривата на потрошувачката на нафта се спушти.

Производството на електрична енергија од јаглен опадна за 15 проценти во март и 31 процент во првите три недели од април.

Потрошувачката на нафта опадна за 18 проценти во годината до март 2020 година, додека во исто време се зголеми производството на енергија од обновливи извори.