Британската група „Ролинг стоунс“ по осум години пауза го објави нивниот нов сингл „Living In A Ghost Town“.

Нумерата што ја пишувале Мик Џегер и Кит Ричардс настанала во Лос Анџелес и во Лондон, а финализирана е токму во текот на изолацијата на членовите на бендот.

Нејзиниот назив, но и спотот идеално ја отсликуваат ситуацијата во која се наоѓа целиот свет.

„Па, Стоунси беа во студиото и работеа на новиот материјал пред сето ова и постоеше таа една песна за која мислевме дека добро би го отсликала времето во кое живееме во моментов. Продолживме да работиме на неа во изолација. И еве ја „Living In A Ghost Town“ – се надевам дека ќе ви се допадне“, порачува Мик Џегер.

„Песната е напишана за 10 минути во февруари 2019 година. Не е напишана за сегашната состојба, туку за тоа како е да се биде на место полно живот, а потоа сѐ се претвора во ова, каде сѐ е лишено од живот“, изјави Џегер за „Епл мјузик“.

Слушнете ја „Living In A Ghost Town“.