Концерт во чест на Јонче Христовски во Битола
Камерниот оркестар на Битола IWConnect синоќа направи вистински музички спектакл, кој битолската публика долго ќе го памети.
Првиот од двата концерти посветени на македонскиот музички доајен Јонче Христовски се одржа во Центарот за култура во Битола.
Концертот на Камерниот оркестар на Битола, се одржа под диригенство на Владимир Димовски.
Големата сала беше исполнета со обожаватели на ликот и делото на Јонче Христовски, кои што уживаа во изведбите на “Македонско девојче”, “Ако умрам ил загинам”, “Ај засвирете ми чалгии” “Битолчани мераклии”…
На концертот настапија Виолета Томовска, Ристо Самарџиев, Ленче Кукиќ, Горан Кукиќ, Елена Андоновска, Душко Георгиевски, Петар Младеновски (Суперхикс) и Агни Авшар.
Јонче Христовски беше композитор, текстописец и интерпретатор со неверојатна харизма.
Концертот пренесе силна порака дека музиката има моќ да ги обедини сите, да ја поддржи и промовира македонската култура.
Вториот концерт “Јонче Христовски Симфонија” ќе се одржи вечерва во Скопје, во Националната опера и балет.