-4 C
Скопје

Компјутер за секој пратеник

Јавноста бурно изреагира затоа што е особено чувствителна на „луксузирањето“ на пратениците, кои секогаш и веднаш добиваат сѐ што ќе посакаат.

Веста дека Собранието со амин на спикерот Талат Џафери се подновило со 100 лаптопи како бомба одекна во јавноста, а предизвика и бурни реакции на социјалните мрежи. Нападите беа испровоцирани и од високата цената на компјутерите – 900 евра еден, но и од ниската свест на секој пратеник со плата од 1.000 евра за секој еден народен избраник. Подоцна се покажа дека станува збор за донација од Швајцарија и дека лаптопите не биле за пратениците туку за собраниските служби. Иако не би ме изненадило тие да завршат и кај пратениците бидејќи дел од нив се пожалија дека не можеле онлајн да работат, затоа што немале компјутери дома.

Но, зошто јавноста така бурно изреагира? Затоа што јавноста е особено чувствителна на „луксузирањето“ на пратениците, кои секогаш и веднаш добиваат сѐ што ќе посакаат. Се разбира, и поради тоа што се во господска позиција прво себеси да си направат брада. А гласачите, поточно нивните деца кои немаат лаптопи, ниту шанса да ги купат, за да следат настава, нека се снаоѓаат сами. Тие дома немаат спикер како Џафери. Министерката за образование Мила Царовска на овие родители им порача: вие што немате компјутери, следете си настава на телевизискиот сервис МРТВ, ние не можеме да ви купиме.

Прочитајте и...  Си-Ен-Ен: Документите покажуваат - Кина покажувала помал број на заразени отколку што навистина имала

Министерката Царовска решила да штеди на греење – наставниците може да предаваат онлајн од дома за да не се грее училницата. А ние дома што мора да грееме три соби за да може децата да следат онлајн настава, а да не смрзнат, што да правиме со нашите сметки за струја? А, што е со наставниците? Имаат ли услови од дома да предаваат, компјутери, интернет…? Министрите и пратениците не ги интересира. Или и ним ќе им порачаат – одете на МРТВ, па снимајте се.

Работава испадна кучињата лаат, карванот си врви. Македонија е држава во која Уставот им ги гарантира на граѓаните основните човекови права, социјална правда и економска благосостојба. Но, очигледно функционерите кои управуваат со државата, со години наназад забораваат на уставните одредби. Се разбира, не за нивните, туку само кога станува збор за правата на другите. На тие што ги гласале, на пример.

Прочитајте и...  Анкета: Повеќе од половина православни верници би поддржале признавање на македонската црква под древното име Охридска архиепископија

Треба, ама џабе е постојано да им се повторува: доста веќе се однесувате себично и се расфрлате со нашите пари. Ставете си го прстот на главата и размислете малку. На кој начин вложувате во иднината на нашите деца? Кенеди еднаш рече: „Не ја прашувај државата што таа може да направи за тебе, запрашај се што можеш ти да сториш за неа“. Вие, почитувани функционери, се прашувате некогаш дали може да направите и нешто корисно за државата, односно за граѓаните?

Поврзани вести

Европратеникот кој учествувал во геј-оргијата во Брисел е од Унгарија, од партијата на Виктор Орбан: Тој е гласен конзервативец против ЛГБТИ правата

В.Т.

Објавени правилата за однесување на онлајн час: Без „финти“ од учениците, наставниците смеат да „бркаат“ од час

Михаило Донев

Зошто Бугарија се плаши од македонското малцинство?

Весна Тодоровска

Светот се соочува со пандемија на недоверба предизвикана од лажните вести

Слободен печат

ВИДЕО | Лазаров: Ни претстои тешка финансиска и економска година со голем буџетски дефицит

Слободен печат

Анкета: Повеќе од половина православни верници би поддржале признавање на македонската црква под древното име Охридска архиепископија

Слободен печат

Остави Коментар