Кличко му се враќа на боксот, има и добра причина!
Поранешниот боксер во тешка категорија Владимир Кличко ќе се врати во рингот само за остварување на рекорд.
А тој рекорд го држи Џорџ Форман кој го достигна светскиот врв на 45-годишна возраст на 5 ноември 1994 година.
Форман со своите 45 години стана најстариот светски шампион во тешка категорија со победата против 26-годишниот Мајкл Мурер во 10. рунда на ВБА борбата во Лас Вегас.
Wladimir Klitschko returning to boxing on one condition https://t.co/sMmdReWe4x
— 1stnewsng (@1stnewsng) October 31, 2019
Кличко има 43 години и верува дека сè уште го има она што е потребно за да се натпреварува на врвот на спортот и на крајот во финалната битка испише историја. Но, ќе мора да почека уште две години…
– Можам ли уште да се борам? Да. Ги оставам моите опции отворени во моментот – рече тој, цитиран од „Бизнис инсајдер“.
– Јас не се враќам за долг период или да скршам нечија вилица. „Кам-бек“ правам само за срушам рекорд. Дали ме привлекува? Јас би рекол да, звучи прилично добро. Џорџ Форман го стори тоа кога имаше 45 години – додаде Кличко.
Кличко се пензионираше во 2017 година после поразот од Ентони Џошуа. Не е само познато кој би му бил ривалот на Кличко во неговиот меч, се шпекулираат имињата на Џошуа и Тајсон Фјури.