Кјелини успешно опериран, познато кога се враќа на теренот
Ваквата тешка повреда на Џорџо Кјелини (35) за некои може да значи и крај на неговата професионална кариера, но не и за борбениот дефанзивец кој нема намера така лесно да се откаже.
Одбранбениот играч беше успешно опериран во Инсбург (Австрија), беше соопштено од италијанскиот фудбалски шампион и сега го очекува повеќемесечна пауза.
Првичните најави велат дека ќе паузира шест месеци, така што ќе го пропушти комплетниот прв дел од сезоната, а се планира да се врати наредната 2020 година во март кога и можеби започнува најважниот дел од сезоната.
Член на Јуве од 2005 година, заштитен симбол на генерацијата на овој клуб кој веќе осум години во низа ја освојува шампионската титула на Апенините.
Сезонава во Лигата на шампионите Јувентус се наоѓа во групата Д со екипите на Атлетико Мадрид, Баер Леверкузен и Локомотив Москва.