Јувентус во новата сезона ќе биде предводен од нов тренер, Маурицио Сари кој летово го замени Масимилијано Алелгри. Со новиот тренер, дојде и нов пристап на работа кој го воодушеви капитенот на „старата дама“, Џорџо Кјелини.

– Тоа што ме фасцинира е неговиот пристап, се работи до најмали детали. Секогаш бара перфекција во тоа што го прави и засега тоа ми е најсилен впечаток од работата со Сари – изјави Кјелини за клупската телевизија.

За време на подготовките, Јувентус досега одигра три натпревари со силни противници, загуби од Тотенхем и од Атлетико Мадрид, а го совлада Интер по подобро изведување на пенали.

– Сè уште сме во фаза на тренинзи, далеку сме од натпреварувачки ритам и се обидуваме да ги сфатиме барањата на тренерот. Има и нови фудбалери и затоа ни е потребно малку повеќе време за посакуваните резултати. Ни останаа уште десет дена до стартот на сезоната и треба да бидеме свесни дека мора да уфрлиме во повисока брзина – додаде Кјелини.

Јувентус одбраната на титулата во Серија А ја започнува на 24 август со гостувањето кај Парма.