Кировски: Ми се јавува Панчев, a мислев дека некој се шегува со мене!
– Во Вардар бев како домашен играч. Но, финансиерите доаѓаат и си заминуваат, немавме никакви примања – вели чуварот на мрежата, Кировски.
Српскиот голман Александар Кировски (29) во својата професионална кариера беше член и на Вардар во 2018 година.
На репрезентативно ниво нема ниту еден официјален настап за најдобрата српска репрезентација, има мечеви за тамошната У19 и У21 селекција.
Во интервјуто за „Моцарт Спорт“, Кировски зборуваше за својата кратка авантура со ФК Вардар. Успеа да излезе и надвор од границите на Србија, после Чукарички, доби повик од „црвено-црните“.
– Да, ме контактираше Дарко Панчев. Мислев дека некој се шегува со мене, сè додека не го сочував бројот на Вибер и сфатив дека навистина ми се јавува Панчев. Немам поим како дојде до мене. Дојдоа до идеја да ме ангажираат за да бидам домашен играч. Мојот дедо е од Македонија, па можев да ги средам документите. Бев таму како домашен играч. Но, финансиерите доаѓаат и си заминуваат. Немавме никаква примања. Сакав плати и после шест месеци го напуштив Вардар – рече Кировски.
Кировски во клупската кареира ги бранеше и боите на Црвена звезда, Земун, Жарково и Будуќност Добановци.