Кинеските одбојкарки во карантин ги започнаа подготовките за ОИ
Олимписките шампионки од Игрите во Рио де Жанеиро 2016 година, ги започнаа подготвките за настап во Токио под посебни мерки.
Поради епидемија на коронавирусот, кинеските одбојкарки се во целосна изолација со максимални мерки на безбедност. Со овој потег Кинеската одбојкарска федерација се придружува кон протоколот кој го пропиша Олимпискиот комитет на Кина.
Сите 16 одбојкарки и стручниот штаб се наоѓаат во тренинг центарот во Пекинг и се изолирани од останатите жители на главниот град на Кина. Контролите на влезовите и излезите од објектот се максимално ригорозни и посетите се ограничени на само мал број на посетители.
Тренинзите се одвиваат пред медицински персонал кој го следи движењето на секоја одбојкарка но и на членовите на стручниот штаб. Два пати дневно на сите им се мери телесната температура, а дезинфекцијата на опремата е задолжителна по секој тренинг.
Исто така исклучена е климатизацијата во објектот, додека одбојкарките конзумираат овошје и зеленчук за да се засили нивниот имунитет.