Македонската кошаркарска репрезентација ќе го одигра последниот натпревар од претквалификациите за Светскиот Куп во 2027 и тоа на домашен терен против селекцијата на Унгарија. Средбата е закажана за 20 август, со почеток во 19 часот, во спортскиот центар „Кале“ во Скопје.

По трите порази во претходните натпревари од групата „Е“, „црвено-жолтите“ ќе се обидат да ги завршат настапите со победа пред својата публика. Од Кошаркарската федерација на Македонија (КФМ) испратија порака до навивачите: „Дојдете да победиме заедно.“

Продажбата на билети веќе е активна преку онлајн платформата „МКТикетс“, а цената е симболична, само 150 денари, без разлика на позицијата во салата.