Од денеска започнуваат јавните анкети за деталните урбанистички планови Градска четврт ЦС 14 за Кале и СРЦ „Кале“и Градска четврт ЦС 01 за Француски гробишта, Тетовска трошарина и Парк 2.

Предлог-деталните урбанистички планови, како што информираат од Општина Центар ќе бидат изложени во читалната „Славко Јаневски“ на улица Димитрие Чуповски број 23, секој работен ден од 8 до 16 часот од денеска до 16 септември, односно речиси два месеци.

Во овој временски интервал граѓаните до Одделението за планирање во Општина Центар ќе можат да поднесуваат анкетни листови со забелешки и предлози во врска со предложените планови.Поради летниот период, за завршување на јавната анкета е даден рок од 40 работни дена, во кој граѓаните ќе можат да ги доставуваат анкетните листови – објаснуваат од Центар.

Јавните презентации на предложените ДУП Градска четврт ЦС 14 и ДУП Градска четврт ЦС 01 ќе се одржат во Музејот на современа уметност на 29 август.